ازاى تقضي يوم فى الغردقة بأقل التكاليف ؟!
أولا :
محتاج تحجز تيكيت ذهاب وعودة مع بعض عشان تستفيد من الخصم وتختار شركة سعرها متوسط ومريحة وطبعا تحجز التيكت على الساعه 2 مثلا لو أنت فى القاهرة عشان توصل الغردقة على 8 او 7 الصبح وتاخد اليوم من أولو.
ثانيا:
أكتر حاجه مميزة فى الغردقة هيا السنوكلينج وانك تنزل فى نص المياه وتشوف عالم ماتحت البحار واقل رحله فى السعر تحقق كل ده هيا الغواصة, دى رحلة البرنامج بتاعها بيبقى ساعتين او تلاته فيها وقفتين أسنوركل وبتنزل فى الغواصه وتشوف دنيا تانيه وتتصور معاهم والى هيفصلك بينك وبينهم زجاج وبس, الغواصه رحلة تكلفتها على قد الإيد بس مفيش أكل وعشان كده لو عاوز توفر يستحسن تفطر من عند أول مطعم فول وطعمية هيقابلك.
طبعا فيه رحلات البرنامج بتاعها فيه اكل وفيها أوبشن اكتر من دى لكن هورجادا هوليداى بتقدملك الأقل وفى نفس الوقت هتحس أنك جربت كل حاجه.
ثالثا:
فيه تلات أو أربع معالم فى الغردقة هتحب جدا تروح وتتصور فيهم زى جراند أكواريوم, متحف الرمال, مينى بارك ايجيبت ومتحف الغردقة واغلى مكان فيهم هو جراند أكواريوم التيكت سعره 270 بس حقيقي هو مكان يستاهل تدفع فيه اما متحف الرمال و متحف الغردقة التيكيت سعره بسيط وبالنسبة ل ميني بارك ايجيبت مشكلتها انها بعيدة شويه وهتضطر تاخد تاكسي عشان تروح.
رابعا وأهم حاجه فى اليوم أكله السمك:
لازم تاكل سمك قبل ماتمشي وهيبقي عندك اكتر من مطعم وأسعارهم كويسه زى ستار فيش, أسماك, الحلقة والشراع فيش.
خامسا :
بعد الأكله دى محتاج تتمشي و تعد على كافيه على البحر وده موجود كتير جدا طبعا فى فلفله ومارينا وتقدر تتمشي فى شيراتون عشان لو حابب تشترى اى تذكار لطيف من الغردقة.
كده بقى تاخد الباص وتلف وترجع على القاهرة او المحافظة الى جاى منها وتقولنا رأيك وصور للأماكن الى زورتها وعجبتك ولا لا
